Íslenzkar þjóðsögur og æfintýri/Draugasögur/Þrjár draugasögur (inngangur)
Loksins eru hér þrjár draugasögur og þykir mér eðlilegra að láta þær fylgja afturgöngum en uppvakningum af því það orð hefur á leikið að þeir sem reimleikunum ollu hafi gert sig sjálfir að draugum til að blekkja aðra og hræða og gengið á þann hátt aftur lifandi. Það mælir mest með þessum sögum að þær eru allar teknar eftir sjónar- og heyrnarvottum eða samtíða mönnum og nágrönnum.