Blaðsíða:Biskupa sögur Bindi 1.pdf/124

Úr Wikiheimild
Þessi síða hefur verið prófarkalesin

styrkja kristnina; hann sendi Ísleif sun sinn suðr í Saxland, ok gekk þar í skóla í borg þeirri er Herfurða[1] heitir, en er hann kom til Íslands, fékk hann Döllu Þorvaldsdóttur, ok var þeirra sun Gizurr, ok Teitr hinn margláti í Haukadal, ok Þorvaldr. Hèr voru fyst útlendir biskupar, ok kendu kenníngar; en er landsmenn vissu, hversu ágætr klerkr Ísleifr var, báðu landsmenn hann, at hann fœri utan, ok lÈti vígjast til biskups, ok þat veitti hanu þeim. Þá var hann l at aldri, er hann var til biskups vígðr; þá var Leo nonus papa[2]. Þá var hann hinn nesta vetr eptir í Noregi, ok fór síðan til Íslands, ok var iiij vetr ok xx biskup; hann lærði marga ágæta menn, ok lèt vígja til presta, en af þeim urðu síðan ij biskupar: Jón Ögmundarsun hinn hœlgi, ok Kolr Víkverja biskup[3]. Ísleifr biskup andaðist í Skálaholti iij. nonas Julii; þat var á drottinsdegi; þá hafði hann iiij vetr ok xx biskup verit; þá voru lxxx vetra liðnir frá hvarfi Ólafs konúngs Tryggvasunar. Ari hinn fróði stóð yfir grefti hans xij vetra gamall, er flest hefir sagt frá þessum tíðindum er hèr eru rituð.

Eptir[4] andlát Ísleifs biskups báðu landsmenn Gizur, sun hans, at hann skyldi vígjast til biskups. Hann fór utan, ok var vígðr til biskups ij vetrum eptir andlát Ísleifs biskups, á dögum Ólafs konúngs kyrra, Noregs konúngs. Þá var Gregorius septimus papa i Róma. Gizurr var [hinn næsta vetr

  1. fyrir nafninu er eyða i A (og B), en í útgáfunum er sett nafnið „Herfurða”, líklega eptir því sem stendr í Húngrvöku og í Viðbæti Skarðsárbókar af Landnámu.
  2. Leo páfi hinn níundi andaðist 19. April 1054.
  3. Kolr Vikverja biskup var skyldr Ísleifi biskupi (Landn. v, 12):

    Teitr Ketilbjarnarson ens gamla
    á Mosfelli í Grimsnesi
    ||
    Gizur hvítiKetilbjörn
    ||
    Ísleifr biskupKolr
    ||
    Gizur biskupÞorkell
    |
    Kolr Víkverja biskup.

  4. A byrjar hèr nýjan kapítula, með fyrirsögn; „Vígðr Gizúrr til biskups”.