Blaðsíða:Fölvar Rósir.djvu/57

LÓU-LJÓÐ.

---

 

Sæl og blessuð, systir mín!
Sönginn þinn jeg lengi þráði.
Blessuð litla Lóan mín,
Lengi hef jeg beðið þín.
Altaf mændu augun mín;
Eitthvað þinni komu spáði.
Sæl og blessuð, systir mín!
Sönginn þinn jeg lengi þráði.

Væn þú ert að vitja mín.
Vorið er mjer flestu kærra.
Lærð’ eg ungur ljóðin þín:—
Lagið þitt við kvæðin mín.
Sest jeg þar sem sóln skín,
Syngjum við þá meir’ og hærra.
Góð þú varst að vitja mín.—
Vorið er mjer flestu kærra.

—52—