Íslenzkar þjóðsögur og æfintýri/Helgisögur/Skrattinn fór að skapa mann

Snið:Header Djöfullinn vildi ekki verða minni en guð, fór til og ætlaði að skapa mann. En sú tilraun fórst honum ekki hönduglega því í staðinn fyrir að skapa mann varð kötturinn úr því og þó vantaði á hann skinnið. Sankti-Pétur aumkvaðist þá yfir þessa sköpun og skapaði skinnið á köttinn sem hér segir:

„Skrattinn fór að skapa mann,

skinnlaus köttur varð úr því;

helgi Pétur hálpa vann,

húðina færði dýrið í.“^[1]

1. Aðrir (Norðlendingar) hafa vísuna þannig:

   „Skrattinn fór að skapa mann

   skringilega með hár og skinn

   andanum kom hann ekki í hann,

   úr því varð þá kötturinn.“

   [Enn hafa aðrir síðasta vísuorðið: „átti að heita Þórarinn.“]