Ásukvæði

Ásukvæði er íslenskur vikivaki eða sagnadans. Lög við kvæðið má finna í Íslenskum þjóðlögum Bjarna Þorsteinssonar eða á vefslóð Ísmúss.

1. Ása gekk um stræti

far vel fley

heyrði hún fögur læti

við Sikiley,

fögrum tjöldum slógu þau undir Sámsey.

2. Ása gekk í húsið inn

far vel fley

sá hún þrælinn bundinn

við Sikiley,

fögrum tjöldum slógu þau undir Sámsey.

3. „Heil og sæl, Ása mín,

far vel fley

nú ertu komin að leysa mig."

við Sikiley,

fögrum tjöldum slógu þau undir Sámsey.

4. Ég þori ekki að leysa þig,

far vel fley

ég veit ekki nema þú svíkir mig.

við Sikiley,

fögrum tjöldum slógu þau undir Sámsey.

5. Veit það sá hinn ríki,

far vel fley,

að hvorugt annan svíki

við Sikiley,

fögrum tjöldum slógu þau undir Sámsey.

6. Leysti hún bönd af hans hönd

far vel fley,

og fjötur hans af fótunum

við Sikiley,

fögrum tjöldum slógu þau undir Sámsey.

7. Níu hefi ég farið lönd

far vel fley,

en tíu hefi ég svikið sprund

við Sikiley,

fögrum tjöldum slógu þau undir Sámsey.

8. Nú ert þú hin ellefta

far vel fley,

þér skal ég aldrei sleppa

við Sikiley,

fögrum tjöldum slógu þau undir Sámsey.

9. Bíddu mín í litla stund

far vel fley,

meðan ég geng í grænan lund

við Sikiley,

fögrum tjöldum slógu þau undir Sámsey.

10. Hann beið hennar langa stund,

far vel fley,

en aldrei kom hún á hans fund

við Sikiley,

fögrum tjöldum slógu þau undir Sámsey.

11. Sté hún á sinn hvíta hest

far vel fley,

og allra kvenna reið hún mest

við Sikiley,

fögrum tjöldum slógu þau undir Sámsey.

12. Ása gekk í helgan stein

far vel fley,

engum gerði hún manni mein

við Sikiley,

fögrum tjöldum slógu þau undir Sámsey.