Íslenzkar þjóðsögur og æfintýri/Helgisögur/Fróðastaðavað

Úr Wikiheimild
Jump to navigation Jump to search
Íslenzkar þjóðsögur og æfintýri  (1862) 
þjóðsaga, ritstjóri Jón Árnason

Þegar Guðmundur biskup fór yfir Hvítá í Borgarfirði drukknaði einn af mönnum hans í ánni. Vígði hann þá vaðið og mælti svo fyrir að engum manni skyldi þar framar berast á. Vaðið er enn á ánni og þykir jafnan hið farsælasta vað. Er það hjá Fróðastöðum, næsta bæ fyrir framan Síðumúla í Hvítársíðu, og heitir Fróðastaðavað. Ekki vita menn til að neinn maður hafi drukknað á vaði þessu síðan það var vígt og hefur þó margur farið þar voðalega yfir.