Íslenzkar þjóðsögur og æfintýri/Helgisögur/Skrattinn fór að skapa mann
Djöfullinn vildi ekki verða minni en guð, fór til og ætlaði að skapa mann. En sú tilraun fórst honum ekki hönduglega því í staðinn fyrir að skapa mann varð kötturinn úr því og þó vantaði á hann skinnið. Sankti-Pétur aumkvaðist þá yfir þessa sköpun og skapaði skinnið á köttinn sem hér segir:
- „Skrattinn fór að skapa mann,
- skinnlaus köttur varð úr því;
- helgi Pétur hálpa vann,
- húðina færði dýrið í.“[1]
- ↑ Aðrir (Norðlendingar) hafa vísuna þannig:
- „Skrattinn fór að skapa mann
- skringilega með hár og skinn
- andanum kom hann ekki í hann,
- úr því varð þá kötturinn.“