Íslenzkar þjóðsögur og æfintýri/Helgisögur/Straff og plágur Júða
Straff og plágur Júða
Ein sönn historía um það straff og plágur sem þeir tólf kynþættir Júða hljóta að hafa af guði vegna saklausrar pínu Jesú Christi sem oss leyst hefur fyrir eilífan dauða so sem það er staðfest í guðsorði: „Með þeim mælir sem þér mælið öðrum út skal yður inn aftur mælt verða.“
Einn víðfrægur medicus til Mantria (Mantua?) í Vallandi hver fæddur var einn Júði, en hefur þó snúizt til kristilegrar trúar, hann skrifar furðanlega þar um hversu að hver Júði í sínum tólf kynþáttum Ísraelssona sem hafði verið orðsök með ráð og dáð til þeirrar beisku pínu og dauða vors herra Jesú Christi, hann sami hefur fengið undarlegt straff, bölvanir og plágur. Fyrrnefndur medicus fyrir sína persónu segir og meðkennir að hann sé af ætt Gað og að hann hafi haft á sínu höfði fimmtán nabbabólur hverjar árlega sig opnuðu 25. martii svo þar hafi runnið blóð ofan um andlitið með miklum sviða. En hann kvaðst eftir margra manna ráðum og fortölum sig auðmýkt hafa og gefið sig til kynningar vors herra Jesú Christi með sannri iðran og fortölum sig auðmýkt hafa og gefið sig inn orðið og þá hafi slíkar plágur af honum liðið svo hann hafi aldrei slíkrar neyðar kennt. Þessi medicus, með því hann hafði til Placontia stúderað og í þeirri samkundu verið og séð þær tólf Ísraels kynkvíslir so sem þær eru í Gamla testamentinu, einkum í Genesis 34, útþrykkilega hver við aðra uppteiknaðar, og þá vissa plágu og bölvanir sem sérhver kynþáttur hafði á sérhverjum tíma, þvílíkt hefur hann opinberað því fólki til Mantria og öðrum kunningjum svo sem eftir fylgir:
I. Kynþáttur Rúben. Þeir Júðar eru af kyni Rúben sem herrann Jesúm Christum hafa fangað í grasgarðinum og þar ofan á sjálfir með ofsa og illsku saklausan hrakt og slegið. Þeir hafa vegna slíkrar illgjörðar þrjár plágur og bölvanir á sínum kynþætti: 1) að allur þeirra gróði visnaði fyrir þeim í tíu daga, 2) hvað þeir sá og planta það hefur engan ávöxt né framgang, 3) þegar þeir deyja vex ekki neitt gras á þeirra leiðum þar þeir eru grafnir.
II. Kynþáttur Símeon. Þeir Júðar er af kyni Símeon sem herrann Christum á krossinn negldu; þeir hafa vegna slíkrar syndar til straffs árlega á höndum og fótum eina blöðru hvar út af rennur blóð og vatn frá morgni til kvelds þann 25. martii.
III. Kynþáttur Leví. Þeir Júðar skulu hafa verið af kyni Leví, sem herrann Christum hræktu og slógu í sína ásjónu; þeir sömu hljóta í sínum kynþætti þá plágu og bölvanir að bera sem er: þeir geta aldrei á jörð hrækt eður lengra en fram fyrir sitt skegg.
IV. Kynþáttur Júða. Þeir Gyðingar af kyni Júða voru þeir sem herrann Christum forréðu; þeir hafa það til straffs: hvert ár verða forráðnar af þeim til dauða 30 persónur með sérlegum svikum, svo ótrúir eru þeir hver öðrum í sínum kynþætti.
V. Kynþáttur Zebúlon. Þeir Júðar skulu verið hafa af kyni Zebúlon sem köstuðu hlut um kyrtilinn herrans Christi. Sá kynþáttur hefur árlega þá plágu þann 25. martii í sínum munni til kvölds að þeir útspýja því öllu er í magann gengur.
VI. Kynþáttur Ísakar. Þeir Júðar af kyni Ísakar hverjir herrann Christum við stólpann bundu og hans heilaga líkama strýktu og særðu með mörgum hundruð benjum, vegna slíkrar syndar fær þessi kynþáttur árlega óteljandi rispur á sinn líkama hvar út blóð flýtur frá morgni til kvölds þann 25. martii.
VII. Kynþáttur Dan. Þeir Júðar segir að verið hafi af kyni Dan sem hrópuðu og kölluðu: „Jesú blóð komi yfir oss og börn vor.“ Þessir hafa það straff á sínum kynþætti að á hverjum mánuði finna þeir á sínum líkama stórlegar plágur og verki svo þeir kunna ekki yfir fjórar vikur að dylja né umbera vegna ólyktar nema þeir smyrji sinn líkama með kristins manns blóði.
VIII. Kynþáttur Gað. Þeir Júðar af kyni Gað sem herrann Christum þyrnikórónuðu til spotts og á höfuðið þrengdu með fimmtán hvössum broddum hverjir inngengu í höfuðið allt til heilans, þeir hafa vegna slíkrar syndar til straffs og bölvunar það að hver og einn fær daglega í höfuðið fimmtán nabbabólur af hverjum með stórum verkjum ofan um allt andlitið blóð fellur frá morgni til kvölds þann 25. martii.
IX. Kynþáttur Assers. Þeir Gyðingar af kyni Assers sem vorn herra Jesúm Christum reyrðu og börðu hans heilaga líkama og hafa það fyrir þá synd að þeirra hægri handleggur er þverhandar styttri en sá vinstri.
X. Kynþáttur Neptalim. Þeir Júðar skulu verið hafa af kyni Neptalim sem létu börn sín, syni og dætur inn í eitt svínahús þegar þeir aðrir Júðar þess kynþáttar leiddu herrann Jesúm úr höfðingjans húsi, en sem þeir höfðu hann fram hjá því húsi með spotti og hlátri hófu þeirra börn upp að hrína sem svín so sem skyldu þau svínum formæla; þá spurðu þeir herrann Christum að og sögðu til hans: „Spá þú oss, Christe, hvað er í þessum svínastalli?“ En Christur andsvaraði og sagði: „Það eru yðar börn, synir og dætur.“ Þá sögðu þeir Júðar allir saman: „Það eru lygar, þar eru svín inni.“ Þá svaraði herrann aftur: „Skulu það svín vera sem þér segið, þá séu það svín.“ Þá urðu öll þeirra börn þar inni svín. Soddan straff hafa þeir allir fyrir þá synd í kynþætti Neptalim að þeir hafa stirða rödd eftir svína tegund og þeir lykta sem svín fyrir vitum allra manna.
XI. Kynþáttur Jósephs. Þeir Gyðingar af kynþætti Jósephs sem naglana smíðuðu með hverjum hann var á krossinn negldur; á meðal þessa kynþáttar er sagt að verið hafi ein kvinna að nafni Beatrix sem uppþenkti og gaf það ráð að naglarnir skyldu smíðast oddlausir og sljóvir so herrann Christur skyldi þar af hafa meiri pínu og sárindi. Vegna slíkrar illgirni hafa allar kvinnur í þeim kynþætti þá plágu að þegar þær eru komnar yfir 33 ár síns aldurs verður hverja nótt í svefni fullur þeirra munnur af möðkum.
XII. Kynþáttur Benjamín. Þeir Júðar af kyni Benjamín sem herrann Christum á krossinum með ediki og galli drykkjuðu með einum njarðarvetti, fyrir þá synd hafa þeir straff að þeir kunna ekki í loft upp að líta; þar fyrir verða þeir í sínum munni plágaðir af slefju og þorsta svo að þegar þeir vilja tala hrýtur út úr þeim slefa úr þeirra munni og verða sem smáormar.
Þetta eru þær plágur þeirra tólf kynþátta hverjar þó eru litlar hjá þeim sem yfir þá mun koma eilíflega nema þeir sanna iðran gjöri og snúist til réttrar trúar á Jesúm Christum.