Íslenzkar þjóðsögur og æfintýri/Viðburðasögur/Hallsteinn Goði, son Þórólfs mostraskeggs

Úr Wikiheimild
Jump to navigation Jump to search
Íslenzkar þjóðsögur og æfintýri  (1862) 
þjóðsaga, ritstjóri Jón Árnason

Fornsögur geta þess um hann að hann hafi herjað á Skotlandi, haft þaðan með sér þræla og látið þá vinna að saltgjörð í Svefneyjum. Einhverjar fleiri sérstakar sögur hafa orðið að fara af honum í fornöld sem nú eru týndar þar sem hann er kallaður blátt áfram „Hallsteinn goði af Hallsteinsnesi sem þrælana átti“; en af hverju hann er kenndur við þræla þessa finnst hvergi í fornum sögum. Í munnmælum er það haft að hann hafi einu sinni komið að þrælunum sofandi í eyjunum og hafi hann þá orðið svo reiður að hann hafi látið hengja þá milli kletta tveggja norðan til á eyjunni og þar af dragi Svefneyjar nafn sitt. En klettarnir þar sem þrælarnir voru hengdir heita síðan Gálgi.