Bárður minn á jökli
Bárður minn á jökli er íslensk þula eða forneskjubæn sem íslendingar þuldu upp við þæfingu sína fyrr á öldum. Þulan er einnig þekkt undir nafninu „þófaraþula".
- Bárður minn á jökli
- leggst þú á þófið mitt.
- Eg skal gefa þér lóna
- innan í skóna,
- vettlingsspjör á klóna,
- skeifa undir hestinn þinn,
- naglabrot í hófinn.
- Láttu ganga, Bárður minn.
- Eg skal gefa þér méldisk
- og barinn fisk,
- fjórar stikur vaðmáls
- konu þinni í pils,
- syni þínum í brók.
- Útgáfa Kristrúnar Matthíasdóttur (1921-2011) frá Fossi í Hrunamannahrepp:
- Bárður minn á jökli
- leggstu nú á þófið mitt.
- Eg skal gefa þér lóna
- leppana í skóna,
- þegar ég kann að prjóna,
- naglabrot í bátinn þinn.
- hálfskeif undir hestinn þinn,
- mórautt lamb og gimburskel
- og meira ef þú þæfir vel.