Blaðsíða:Norsk avfintyri b1.pdf/4

Úr Wikiheimild
Jump to navigation Jump to search
Þessi síða hefur verið staðfest


ÆFINTÝRI ASBJÖRNSENS OG MOE eru meðal dýrmætustu fjársjóða norskra bókmennta, en mennirnir sem söfnuðu þjóðsögum þessum og skrásettu þær af vörum fólksins, unnu þjóð sinni álíka mikið gagn og þjóðsagnaþulurinn, Jón Árnason Íslendingum. Hér (girtist) nú í bókarformi á íslenzku lítið úrval úr æfintýrum þessum, en áður hafa þau komið út í Morgunblaðinu, og hlotið þar miklar vinsældir hjá ungum og gömlum.

Þess verður víða vart í Þjóðsagnasafni Asbjörnsens og Moe, að sum æfintýri norsku þjóðarinnar eru af sama toga spunnin og æfintýrin íslenzku, þó alstaðar séu þau tilbrigði í frásögninni, að hvergi sé um sömu sögur að ræða.

En mörg hinna norsku æfintýra eru með allt öðrum blæ, en við eigum að venjast og í þeim meiri kímni en flestum íslenzku æfintýranna.

Æfintýrasafn Asbjörnsens og Moe, hefir notið þeirra hlunninda, að nokkrir af beztu listamönnum Norðmanna hafa teiknað myndir úr efni þeirra. Gefur þetta meira líf, þegar lesendurnir sjá persónur þeirra og einstaka atburði fyrir augum sér. Sannast hér sem víðar, að „sjón er sögu ríkari“.

-