Ef leiðist þér, grey, að ganga

by Staðarhóls-Páll

Ef leiðist þér, grey, að ganga,

gefa vil ég þér hest.

Segi' eg upp sambúð langa.

Svo trúi' eg fari best.

Hafir þú fornt á fótum,

fá skaltu skæðin ný.

Gakktu hart á grjótum

og ganaðu upp í ský

með bandvettlinga og traf,

styttuband og staf.

Farðu norður í Gýgjarfoss

og stingdu þér þar á kaf.

Sökktu til botns sem blý

og komdu' aldrei upp frá því.