Íslenzkar þjóðsögur og æfintýri/Kímnisögur/Eiríkur karl og Oddur Hjaltalín

Úr Wikiheimild
Jump to navigation Jump to search

Oddur læknir Hjaltalín var eitt sinn fluttur á skipi úr Hrappsey og í Stykkishólm; en er skipið kom að lendingu í Hólminum er þar fyrir í fjörunni Eiríkur karl, faðir Sigurðar Breiðfjörð, og var drukkinn. Hann sér Odd aftur á skipinu og segir:

„Læknisfjandinn eins og örn
aftur á situr núna.“

Oddur kvað við:

„En Eiríkur og öll hans börn
eiga pínu búna.“