Íslenzkar þjóðsögur og æfintýri/Kímnisögur/Ekki er ætíð ábati að eldsbruna

Úr Wikiheimild
Jump to navigation Jump to search

Á Auðkúlu í Arnarfirði bjó eitt sinn bóndi sá er Guðmundur hét. Hann var auðmaður og lék það orð á að hann hefði á yngri árum sínum náð peningum úr eldsbruna og leynt fundinum. Þegar hann var gamall orðinn brann fjós hans og missti hann þar sex kýr sínar sem allar dóu í brunanum. En er kýrskrokkarnir voru dregnir út úr rústunum var bóndi viðstaddur og mælti: „Ekki er ætíð ábati að eldsbruna.“