Heimskringla/Saga Inga konungs og bræðra hans/19
Heimskringla - Saga Inga konungs og bræðra hans
Höfundur: Snorri Sturluson
19. Frá Eysteini og Hísingsbúum
Höfundur: Snorri Sturluson
19. Frá Eysteini og Hísingsbúum
Eysteinn konungur Haraldsson var staddur austur í Vík nær landsenda. Hann var ósáttur við bændur, Reni og Hísingsbúa. Gerðu þeir safnað að honum en hann hélt við þá orustu og hafði sigur. Þar heitir Leikberg er þeir börðust. Hann brenndi og mjög víða í Hísing. Síðan gengu bændur til handa og guldu gjöld stór en konungur tók gísla af þeim.
Svo segir Einar Skúlason:
- Víkverjum galt,
- varð þannug hallt,
- gerræði gramr,
- gjöfmildr og framr.
- Flest fólk var hrætt,
- áðr fengi sætt,
- en gísla tók
- sá er gjöldin jók.
- Vann siklingr sótt
- við snarpa drótt,
- leyfð er lýðum bær,
- Leikbergi nær.
- Renir flýðu ríkt
- og reiddu slíkt,
- öld festi auð,
- sem öðlingr bauð.