Íslenzkar þjóðsögur og æfintýri/Galdrasögur/Jón Sigurðsson og Páll Vídalín kveðast á
Jón Sigurðsson Dalaskáld var og áleitinn í kveðskap. Einu sinni þegar hann gekk hjá tjaldi Páls lögmanns Vídalíns á alþingi og höttur lögmanns hékk á tjaldsúlunni er mælt hann hafi kveðið:
- „Margir brúka menn hér hött,
- mest þá skartið þvingar;
- eiga skylt við urðarkött
- allir Norðlendingar.“
Páll spretti skörum er hann heyrði vísuna kveðna, kvað í móti og brá Jóni þar um hvarf föður hans svo segjandi:
- „Kauðinn sá sem kvæði spjó
- ketti er skyldur blauða;
- honum var nær að sækja í sjó
- Sigurð þann hinn dauða.“