Búnaðarbálkur/P

by Eggert Ólafsson

P

Að optar sè svipull sjóar-aflinn, en landgæðin jafnari og mannhollari. Kúagagn og mjólkrnægð á vetrum.

39.

Þó gott sè hvað eg get af sænum,

gæðin þau verða stopul samt;

hjálpræði vissast heima' á bænum

hollari gefr flestum skamt,

ómakslaust selr ull og mjólk

ærin, fyrir vort heima-fólk.

40.

Töðu-gjöfum eg gjörr kann haga;

græðast kýrnar þá sezt er að;

hjörtkælar nær til vatnsins vaga,

verðr mèr skemt að líta' á það;

hvör þeirra mjólkr brunninn ber

barmafullan á kviði sèr.

41.

Spríngvatn úr garði gylva Dana

getr hún frenja leidt til sín;

úr hvörri rennu' og hvörjum hana

hvítlitað sprænir matar vín;

ef höndin þrykkir óvart á,

uppsprettan fer að vella þá.