íngjar á Íslandi: Hafliði Márssun norðr, ok synir Ásbjarnar Arnórssunar í Skagafirði, Þorgeirr Hallasun ok Ketill prestr Þorsteinssun; en austr: Gizurr Einarssun, Sigmundr Þorgilssun, hann andaðist á því ári í Rúmför; en suðr: Hallr Teitssun, Skúli Egilssun; en vestr: Styrmir Reinssun, Halldórr Egilssun, Þorgils Oddasun[1], Þórðr Egilssun, Þórðr Þorvaldssun í Vatnsfirði. Einum vetri eptir andlát Gizurar biskups var Þorsteinn Hallvarðssun[2] veginn, göfugr maðr, en vetri eptir þat var þíng fjölmennt. Þau missari bafði svả mikill manndauðr verit, at Sæmundr prestr hinn fróði sagði svả á þíngi, at eigi mundi færri menn hafa andazt af sótt, en þá voru til þíngs komnir. Þat sumar var þröng mikil at dómum, þá særði Þorgils Oddasun Hafliða Márssun. Þá varð um ekki mál at lögum dœmt. Þorgils varð sekr um áverkann, ok sat í sekt um vetrinn. Þá var svả lítill vảpnaburðr, at ein var stálhúfa þá á alþíngi, ok reið drjúgum liverr bóndi til þíngs, er þá var á Íslandi.
Enn var þat, er iij vetr voru liðnir frá andláti Gizurar biskups andaðist Jón biskup at Hólum ix. kalend. Maji[3]. Þat sumar reið Haíliði Márssun á þing með mcc manna, en Þorgils Oddasun með dcc nanna. Þeir sættust á þíngi með því, at Þorgils seldi Hafliða sjálfdœmi, en hann gerði lx hundraða vj álna aura vöruvirts feár, lúka í gulli eða brendu silfri eða sœmiligum gripum, skyldi hann virða sjálfr Hafliði, eða þeir er hann tœki til. Þat sumar var hann kosinn til biskups Ketill Þorsteinssun af Möðruvöllum, í stað Jóns biskups, ok fór hann utan þat sumar. Hafliði Márssun átti fyrr Þuríði, dóttur Þórðar Sturlusunar. Þórðr hét sun þeirra, hann átti Sólvöru, dóttur Ásgríms Þorhallssunar. Ívarr hèt sun þeirra. Hafliði átti síðarr Rannveigu, dóttur Teits or Haukadal. Sigríðr hèt
- ↑ þannig leiðrètt í K, en B og S hafa Oddzsvn.
- ↑ þannig er hann kallaðr í viðbæti Landnámabókar og í flestnm annálum, og í Landn. v, 12 er talin ætt hans: Hallkell, bróðir sammæddr Ketilbjarnar hins gamla — Hallkell — Hallvarðr — Þorsteinn, „er Einarr Hjaltlendíngr vả”; en hèr í B og útgáfunum er hann nefndr Hallsson.
- ↑ þannig er í sögu Jóns biskups og í viðbæti Landnámabókar, og staðfestist það enn framar við það, að Jóns messa Hólabiskups hin síðari, sem haldin var á ártíðardag hans, er 23. Apríl; í B og útgáfunum stendr: „kalendis Maji”, þ. e. 1. Mai.
