Búnaðarbálkur/X

←U

Búnaðarbálkur
Höfundur: Eggert Ólafsson
X

Y→

X

Um te og kaffedrykki af innlenzkum tilefnum og þeirra jurta góðu verkanir.

74.

Nær vatn skal heita' að veizlu-minni,

og verðugum gestum láta' í tè;

útlenzkum varla verð eg minni,

vil eg ei þeirra fúka-te,

framar akta eg æru-prís,

er mèr sú jurtin heima vís.

75.

Te krydda' eg af bezta blómi,

í blástr-skugga, sem þurkað var,

vel-litað sem að vitra rómi,

verkun, smekk, ylm, af hinu bar;

hármeyar-lauf og bráða björg,

blandast við ekkilsjurtin mörg.

76.

Ef austan að svokallað kaffi

kola-mylsnu þeir girnast saup;

þá segi' eg komi af syndastraffi,

soddan prjálsemdar elkast kaup;

af einirberjum betri drykk

bý eg, sem hefir sama skikk.

77.

Þvílík mig heilsu bætir bára,

báðum höndum eg kerið gríp,

og þriggja steiktan avöxt ára,

ylmheitan þann eg glaðr sýp;

Norðmenn hafa það þekkir lært;

Þýðverskir eins til nytja fært.

78.

Þær dýru veigar hryglu' og hósta

hrinda, gjörandi blóðið þunnt;

þeim nýrnasteins og blöðru brjósta

bágleik og kveisur verðr unnt

að lækna', og innra flogin fljótt,

flýr þá og líka kónglig sótt.