Íslenzkar þjóðsögur og æfintýri/Draugasögur/Dauðir menn kvarta yfir meðferðinni (inngangur)

Úr Wikiheimild
Fara í flakk Fara í leit
Íslenzkar þjóðsögur og æfintýri  (1862) 
þjóðsögur, ritstjórn Jón Árnason
Dauðir menn kvarta yfir meðferðinni

Þjóðsagnasafn sem kom út í Leipzig 1862-1864.

Mjög svipað hinum næstu á undan er þeim mönnum farið sem gjöra vart við sig eftir dauðann í svefni eða vöku, en sjaldan nema einu sinni, af því þeim þykir órélega farið með bein sín framliðin, kistur þeirra ómakaðar eða annað frá þeim tekið er þeir hafa mætur á. Ef þeim þykir sér ofboðið í einhverju slíku ganga þeir oft aftur og hefna sín grimmilega, en stundum láta þeir sér nægja að heimta það aftur er þá vantar. Einnig reiðast framliðnir því, ef ei er hirt um lík þeirra liðin og þau látin liggja aðhlynningarlaus á víðavangi; ganga þeir þá aftur og ásækja þann oft og lengi er líkið fann og hlynnti ekki að því.