Íslenzkar þjóðsögur og æfintýri/Viðburðasögur/Landplágur og óár

Íslenzkar þjóðsögur og æfintýri (1862)
þjóðsögur, ritstjórn Jón Árnason
Landplágur og óár

Þjóðsagnasafn sem kom út í Leipzig 1862-1864.

Víða hefur haldizt vel við minningin um miklar landplágur, drepsóttir, dýrtíð og óár sem komið hafa yfir ýmis héruð, og allt eins um jarðelda og vatnaumbrot. Þannig er sagt að Náhlíð, hérað eitt vestur í Dölum, dragi nafn af mannfelli þeim sem þar varð í svartadauða; eins er Sóttarhellir á afrétt Fljótshlíðarmanna frá þeim tíma og frásagan um galdramennina í Vestmannaeyjum, og er beggja hinna síðastnefndu áður getið. Eins eru ekki fáar sögur af eldgangi og auðnum þeim sem vatnsflóð hafa ollað hér á landi hingað og þangað, og eru þessi dæmi þar til ásamt öðrum.